မတ် ၂၇-၂၀၂၁
STY
ဒီနေ့ မတ် ၂၇ ရက် မနက်ပိုင်းက ထားဝယ်မြို့မှာ ဆိုင်ကယ်စီးနှင်းနေသူတဦးကို စစ်တပ်နဲ့ရဲက အကြောင်းမဲ့ ပစ်ခတ်ခဲ့တာကြောင့် ရင်ညွန့်ကျည်ထိမှန်သေဆုံးသွားတယ်လို့ သတင်းရရှိပါတယ်။
အဲ့ဒီသေဆုံးသူဟာ ထားဝယ်မြို့ ကျွန်းမွှေးရပ်မှာနေတဲ့ ဦးကျော်ဌေးဆိုသူဖြစ်ပြီး မြို့သစ် ၁ လမ်းမှာ ဆိုင်ကယ်နဲ့ သွားလာနေစဉ် ပစ်ခတ်ခံခဲ့ရတာ ဖြစ်ပါတယ်။
ထားဝယ် အထက ၃ ရှေ့မှာလည်း ဒီနေ့ မနက်ပိုင်းကပဲ ဆိုင်ကယ်စီးလာတဲ့ လူငယ် ၃ ဦးကို စစ်တပ်က အကြောင်းမဲ့ပစ်ခတ်ခဲ့တာကြောင့် ဆိုင်ကယ်ပေါ်ပါတဲ့ တဦး ကျည်ထိမှန်ခဲ့ပါတယ်။
အဲ့ဒီ ဒဏ်ရာရသူကို စစ်တပ်က ကားနဲ့ သယ်ယူသွားပြီး ခုချိန်မှာတော့ သတိပြန်လည်လာပြီလို့ သိရပါတယ်။
စစ်တပ်နဲ့ရဲရဲ့ ပစ်ခတ်မှုကြောင့် ဖေဖော်ဝါရီ ၂၈ ရက်ကနေ ဒီနေ့အထိ ထားဝယ်မြို့မှာ သေဆုံးသူ ၇ ဦးရှိပြီ ဖြစ်ပါတယ်။
#VoiceOfMyanmar #VOM #ထားဝယ် #သေဆုံး
